പരിശുദ്ധാത്മ വരങ്ങളാൽ നിറയ്ക്കണമേയെന്ന് പ്രാർത്ഥിക്കാം.   1. പരിശുദ്ധാത്മാവിനോ ടുള്ള ഗാനം 2. ആമുഖ പ്രാർത്ഥന. കാർമ്മി: പരിശുദ്ധാത്മാ വേ വരണമേ, അങ്ങയുടെ വിശ്വസ്തതയുടെയും സ്നേഹത്തിന്റെയും അഗ്നിയാൽ ഞങ്ങളെ ജ്വലിപ്പിക്കണമേ. സമൂ. അങ്ങയുടെ സാന്നിധ്യത്താൽ ഭൂമിയുടെ മുഖം നവീകരിക്കണമേ. കാർമ്മി: പിതാവേ അങ്ങയുടെ വിശ്വസ്തരുടെ ഹൃദയങ്ങളെ അവിടുത്തെ ആത്മാവിന്റെ വെളിച്ചത്തിൽ നയിക്കുമ ല്ലോ.അങ്ങേ ആത്മാവിനെ ഞങ്ങൾക്കും തരണമേ.അങ്ങേ ദിവ്യ പ്രചോദനത്താൽ സത്യ ത്തെ തിരിച്ചറിയുവാനും നല്ലത് രുചിച്ചറിയുവാനും എപ്പോഴും അങ്ങേ സാന്ത്വനത്തിന്റെ പരിമളം അനുഭവിക്കാനും ഞങ്ങൾക്ക് ഇടയാകട്ടെ. ഞങ്ങളുടെ കർത്താവായ ഈശോമിശിഹാ വഴി പ്രാർത്ഥന ഞങ്ങൾ അങ്ങേക്ക് സമര്പ്പിക്കുന്നു. 3. സമൂഹ പ്രാർത്ഥന. ഒന്ന് ചേർന്ന് :ഞങ്ങളുടെ സൃഷ്ടാവും പിതാവും സംരക്ഷകനുമായ ദൈവമേ, ഞങ്ങൾ അങ്ങയെ സ്തുതിക്കുന്നു. അവിടുത്തെ സ്നേഹം ഞങ്ങൾക്ക് വെളിപ്പെടുത്താനായി മനുഷ്യാവതാരം ചെയ്ത ഈശോയെ അങ്ങേ ഞങ്ങൾ ആരാധിക്കുന്നു. ഞങ്ങളുടെ രക്ഷകനും നാഥനുമാണ് ഈശോ എന്ന തിരിച്ചറിവ് ഞങ്ങൾക്കു നൽകുന്ന പരിശുദ്ധാത്മാവേ, ഞങ്ങൾ അങ്ങേക്ക് നന്ദി പറയുന്നു. ലോകസ്ഥാപനം മുതൽ അങ്ങേ ദിവ്യ സാന്നിദ്ധ്യ ത്താൽ ഭൂമിയുടെ മുഖം നവീകരിച്ചു കൊണ്ടിരിക്കുന്ന പരിശുദ്ധാത്മാവേ ഞങ്ങൾ അങ്ങയെ മഹത്വപ്പെടുത്തുന്നു. സെഹിയോൻ ഊട്ടു ശാലയിൽ ദാഹത്തോടെ കാത്തിരുന്ന പരിശുദ്ധ അമ്മയുടെയും ശ്ലീഹന്മാ രുടെയും മേൽ ഇറങ്ങി വന്ന പരിശുദ്ധാത്മാവേ ഞങ്ങളുടെ മേലും ഇറങ്ങി വരേണമേ. ഞങ്ങളുടെ ഹൃദയങ്ങളെ അങ്ങയുടെ കൃപയാൽ നിറയ്ക്കണമേ. അവിടുത്തെ ആലയമായ ഞങ്ങളുടെ ശരീരത്തെ അങ്ങ് വിശുദ്ധീകരിക്ക ണമേ. പിതാവിന്റെയും പുത്രന്റെയും ആത്മാവേ ഞങ്ങൾക്ക് ആഴമുള്ള ദൈവസ്നേഹാനുഭവത്തിലും വിശ്വാസത്തിലും വളരാനാവശ്യമായ കൃപ തരണമേ. ആമേൻ 4. വചനവായന അപ്പ. പ്രവര്‍ത്തനങ്ങള്‍ 2 : 37-47 ഇതു കേട്ടപ്പോള്‍ അവര്‍ ഹൃദയം നുറുങ്ങി പത്രോസിനോടും മറ്റ്‌ അപ്പസ്‌തോലന്‍മാരോടും ചോദിച്ചു: സഹോദരന്‍മാരേ, ഞങ്ങള്‍ എന്താണു ചെയ്യേണ്ടത്‌? പത്രോസ്‌ പറഞ്ഞു: നിങ്ങള്‍ പശ്‌ചാത്തപിക്കുവിന്‍, പാപമോചനത്തിനായി എല്ലാവരും യേശുക്രിസ്‌തുവിന്‍െറ നാമത്തില്‍ സ്‌നാനം സ്വീകരിക്കുവിന്‍. പരിശുദ്‌ധാത്‌മാവിന്‍െറ ദാനം നിങ്ങള്‍ക്കു ലഭിക്കും. ഈ വാഗ്‌ദാനം നിങ്ങള്‍ക്കും നിങ്ങളുടെ സന്താനങ്ങള്‍ക്കും വിദൂരസ്‌ഥര്‍ക്കും നമ്മുടെ ദൈവമായ കര്‍ത്താവ്‌ തന്‍െറ അടുക്കലേക്കു വിളിക്കുന്ന എല്ലാവര്‍ക്കും ഉള്ളതാണ്‌. അവന്‍ മറ്റു പല വചനങ്ങളാലും അവര്‍ക്കു സാക്‌ഷ്യം നല്‍കുകയും ഈ ദുഷി ച്ചതലമുറയില്‍നിന്നു നിങ്ങളെത്തന്നെ രക്‌ഷിക്കുവിന്‍ എന്ന്‌ ഉപദേശിക്കുകയുംചെയ്‌തു. അവന്‍െറ വചനം ശ്രവിച്ചവര്‍ സ്‌നാനം സ്വീകരിച്ചു. ആദിവസം തന്നെ മൂവായിരത്തോളം ആളുകള്‍ അവരോടു ചേര്‍ന്നു. അവര്‍ അപ്പസ്‌തോലന്‍മാരുടെപ്രബോധനം, കൂട്ടായ്‌മ, അപ്പംമുറിക്കല്‍, പ്രാര്‍ഥന എന്നിവയില്‍ സദാ താത്‌പര്യപൂര്‍വ്വം പങ്കുചേര്‍ന്നു. എല്ലാവരിലും ഭീതി ഉളവായി. അപ്പസ്‌തോലന്‍മാര്‍ വഴി പല അദ്‌ഭുതങ്ങളും അടയാളങ്ങളും സംഭവിച്ചു. വിശ്വസിച്ചവര്‍ എല്ലാവരും ഒറ്റ സമൂഹമാവുകയും തങ്ങള്‍ക്കുണ്ടായിരുന്നതെല്ലാം പൊതുവായിക്കരുതുകയും ചെയ്‌തു. അവര്‍ തങ്ങളുടെ സ്വത്തുക്കളും വസ്‌തുവകകളും വിറ്റ്‌ ആവശ്യാനുസരണം എല്ലാവര്‍ക്കുമായി വീതിച്ചു. അവര്‍ ഏക മനസ്‌സോടെ താത്‌പര്യപൂര്‍വ്വം അനുദിനംദേവാലയത്തില്‍ ഒന്നിച്ചുകൂടുകയും ഭവനംതോറും അപ്പംമുറിക്കുകയും ഹൃദയലാളിത്യത്തോടും ആഹ്ലാദത്തോടും കൂടെ ഭക്‌ഷണത്തില്‍ പങ്കുചേരുകയും ചെയ്‌തിരുന്നു. അവര്‍ ദൈവത്തെ സ്‌തുതിക്കുകയും എല്ലാ മനുഷ്യരുടെയും സംപ്രീതിക്കു പാത്രമാവുകയും ചെയ്‌തു. രക്‌ഷപ്രാപിക്കുന്നവരെ കര്‍ത്താവ്‌ അവരുടെ ഗണത്തില്‍ പ്രതിദിനം ചേര്‍ത്തുകൊണ്ടിരുന്നു. 5. മദ്ധ്യസ്ഥ പ്രാർത്ഥന. രക്ഷയുടെ മാർഗ്ഗം വെളിപ്പെടുത്താനായി പരിശുദ്ധാത്മാവിനെ ഭൂമിയിലേക്ക് അയച്ച ദൈവത്തോട് പരിശുദ്ധാത്മാവിന്റെ ദാനങ്ങളാലും വരങ്ങളാലും നമ്മെ നിറയ്ക്കണമെന്ന് പ്രാർത്ഥിക്കാം. കർത്താവെ, പരിശുദ്ധാത്മാവിന്റെ ദാനങ്ങളാലും, ഫലങ്ങളാലും വരങ്ങളാലും ഞങ്ങളെ നിറയ്ക്കണമേ. ആദിമ ക്രൈസ്തവ സമൂഹത്തെപ്പോലെ ഞങ്ങൾക്കുള്ളവ പങ്കുവയ്ക്കുന്നതിലൂടെ ദൈവരാജ്യം ഇവിടെ സ്ഥാപിതമാകുവാനായി, കർത്താവെ, പരിശുദ്ധാത്മാവിന്റെ ദാനങ്ങളാലും, ഫലങ്ങളാലും വരങ്ങളാലും ഞങ്ങളെ നിറയ്ക്കണമേ. ഈശോയെ, അവിടുത്തെ അമ്മയെ ഞങ്ങൾക്കും അമ്മയായി നൽകിയല്ലോ, അങ്ങ് ആഗ്രഹിച്ചതുപോലെ ഈ അമ്മയിലൂടെ ഞങ്ങൾ അങ്ങയിലെത്തിച്ചേരാൻ, കർത്താവെ, പരിശുദ്ധാത്മാവിന്റെ ദാനങ്ങളാലും, ഫലങ്ങളാലും വരങ്ങളാലും ഞങ്ങളെ നിറയ്ക്കണമേ. അങ്ങ് സ്ഥാപിച്ച കൂദാശകളെ ഏറ്റവും യോഗ്യതയോടെ സ്വീകരിച്ച്, പരിശുദ്ധാത്മാ വിനാൽ നിറഞ്ഞ് ഞങ്ങളെത്തന്നെ കൂടുതൽ വിശുദ്ധീകരിക്കാൻ, കർത്താവെ, പരിശുദ്ധാത്മാവിന്റെ ദാനങ്ങളാലും, ഫലങ്ങളാലും വരങ്ങളാലും ഞങ്ങളെ നിറയ്ക്കണമേ. എളിമ, അനുസരണം എന്നീ പുണ്യങ്ങളാൽ പരിശുദ്ധ അമ്മയെ അനുകരിച്ച് മറ്റുള്ളവരെ അങ്ങയിലേക്കടുപ്പിക്കാൻ, കർത്താവെ, പരിശുദ്ധാത്മാവിന്റെ ദാനങ്ങളാലും, ഫലങ്ങളാലും വരങ്ങളാലും ഞങ്ങളെ നിറയ്ക്കണമേ. പരിശുദ്ധ ത്രിത്വത്തിന്റെ ഐക്യത്തോട് സാദൃശ്യമുള്ള ആദിമ ക്രൈസ്തവ സമൂഹത്തെ പ്പോലെ ഞങ്ങളും കൂട്ടായ്മയുടെ ഐക്യ ത്തിൽ ശക്തിപ്പെടുവാൻ, കർത്താവെ, പരിശുദ്ധാത്മാവിന്റെ ദാനങ്ങളാലും, ഫലങ്ങളാലും വരങ്ങളാലും ഞങ്ങളെ നിറയ്ക്കണമേ. കത്തോലിക്കാ സഭയിലെ എല്ലാവരും തങ്ങളുടെ ദൈവവിളി തിരിച്ചറിഞ്‌ സ്വീകരിക്കാനും സ്വീകരിച്ചവർ ദൈവത്തെ മഹത്വപ്പെടുത്തി ജീവിക്കാനും, കർത്താവെ, പരിശുദ്ധാത്മാവിന്റെ ദാനങ്ങളാലും, ഫലങ്ങളാലും വരങ്ങളാലും ഞങ്ങളെ നിറയ്ക്കണമേ. 6. സ്വർഗ്ഗസ്ഥനായ ഞങ്ങളുടെ പിതാവേ അങ്ങയുടെ നാമം പൂജിതമാകണമേ അങ്ങയുടെ രാജ്യം വരേണമേ അങ്ങയുടെ തിരുമനസ്സ് സ്വർഗ്ഗത്തിലെപ്പോലെ ഭൂമിയിലുമാകണമേ. അന്നന്നു വേണ്ടുന്ന ആഹാരം ഇന്ന് ഞങ്ങൾക്ക് തരേണമേ ഞങ്ങളോട് തെറ്റു ചെയ്യുന്നവരോട് ഞങ്ങൾ ക്ഷമിക്കുന്നതുപോലെ ഞങ്ങളുടെ തെറ്റുകൾ ഞങ്ങളോടും ക്ഷമിക്കണമേ. ഞങ്ങളെ പ്രലോഭനത്തിൽ ഉൾപ്പെടുത്തരുതേ. തിൻമയിൽ നിന്നും ഞങ്ങളെ രക്ഷിക്കണമേ. ആമേൻ. 7. പരിശുദ്ധ അമ്മയോടുള്ള പ്രാർത്ഥന ഒന്നുചേർന്ന്. ഓ പരിശുദ്ധ മാതാവേ, എന്റെ അമ്മേ, ഞാൻ പാപവഴികൾ ഉപേക്ഷിക്കുന്നതിനും ഈശോയുടെ വിലയേറിയ തിരുരക്തത്താൽ ശുദ്ധീകരിക്കപ്പെടുന്നതിനും പരിശുദ്ധാത്മാവിന്റെ ഫലങ്ങളാൽ നിറയപെടു ന്നതിനുമായി അമ്മ പ്രാർത്ഥിക്കണമേ.... പാപത്താൽ കഠിനമാക്ക പ്പെട്ട ഹൃദയം എടുത്തുമാറ്റി എസക്കിയേൽ പ്രവാച കൻ വഴി വാഗ്ദാനം ചെയ്യപ്പെട്ട പുതിയ ഹൃദയം തരണമേ. അവർക്ക്‌ ഞാൻ ഒരു പുതിയ ഹൃദയം നൽകും; ഒരു പുതിയ ചൈതന്യം അവരിൽ ഞാൻ നിക്ഷേപിക്കും. അവരുടെ ശരീരത്തിൽ നിന്ന് ശിലാ ഹൃദയം എടുത്തു മാറ്റി ഒരു മാംസളഹൃദയം ഞാൻ കൊടുക്കും. അങ്ങനെ അവർ എന്റെ കല്പനകൾ അനുസരിച്ചു ജീവിക്കുകയും എന്റെ നിയമങ്ങൾ ശ്രദ്ധയോടെ പാലിക്കുകയും ചെയ്യും. അവർ എന്റെ ജനവും ഞാൻ അവരുടെ ദൈവവുമായിരിക്കും. പരിശുദ്ധയും സ്നേഹനിധിയുമായ എന്റെ അമ്മേ, പരിശുദ്ധാത്മസ്നേഹ ത്താൽ നിറഞ്ഞ് മാനസാന്തരത്തിന്റെ ഫലങ്ങൾ പുറപ്പെടുവിക്കുന്ന പുതിയ മനുഷ്യനെ ധരിക്കുവാനായി അമ്മ എനിക്കായി പ്രാർത്ഥിക്കണമേ. 8. സമാപന പ്രാർത്ഥന. ദൈവമേ, ഞങ്ങൾക്ക് സൗമ്യതയെന്ന ഫലം നല്കണമേ. പരുഷമായ വാക്കുകളാലും പ്രവൃത്തികളാലും മറ്റുള്ളവരെ വേദനിപ്പിക്കാനും മുറിപ്പെടുത്തുവാനും ഇടയാകാതിരിക്കാൻ ഞങ്ങളെ സഹായിക്കണമേ. മറ്റുള്ളവരെ വേദനിപ്പിക്കുന്നതിൽ സന്തോഷം കണ്ടെത്തുന്നവരായി ഞങ്ങൾ ഒരിക്കലും മാറാതിരിക്കട്ടെ. മറ്റുള്ളവർ ഞങ്ങളോട് എങ്ങനെ പെരുമാറണമെന്ന് ഞങ്ങൾ ആഗ്രഹിക്കുന്നുവോ അതുപോലെ അവരോട് പെരുമാറാനും ആത്മസംയമനത്തോടെ വ്യാപരിക്കാനും ഞങ്ങളെ ശക്തരാക്കണമേ. രോഗികളോടും ദുഃഖിതരോടും പ്രായമായവരോടും അവശരോടും കരുണയും കരുതലും ഉള്ളവരായിരിക്കാൻ ഞങ്ങളെ സഹായിക്കണമേ. ആമേൻ 9. പരിശുദ്ധാത്മാവിന് സ്വയം സമർപ്പിച്ചുകൊണ്ട് മൗനമായി പ്രാർത്ഥിക്കാം. 10. പരിശുദ്ധാത്മാവിന്റെ ലുത്തിനിയ കർത്താവേ അനുഗ്രഹിക്കണമേ! മിശിഹായേ അനുഗ്രഹിക്കണമേ! കർത്താവേ അനുഗ്രഹിക്കണമേ! മിശിഹായെ ഞങ്ങളുടെ പ്രാർത്ഥന കേൾക്കേണമേ! മിശിഹായേ ഞങ്ങളുടെ പ്രാർത്ഥന നീ കൈക്കൊള്ളണമേ! ആകാശങ്ങളിലിരിക്കുന്ന ബാവാ തമ്പുരാനേ! ഞങ്ങളെ അനുഗ്രഹിക്കണമേ. ഭൂലോക രക്ഷകനായ പുത്രൻ തമ്പുരാനെ! ഞങ്ങളെ അനുഗ്രഹിക്കണമേ. പിതാവിൽ നിന്നും പുത്രനിൽ നിന്നും പുറപ്പെടുന്ന പരിശുദ്ധാത്മാവേ! ഞങ്ങളെ അനുഗ്രഹിക്കണമേ. പിതാവിനോടും പുത്രനോടും സമനായ പരിശുദ്ധാത്മാവേ! ഞങ്ങളെ അനുഗ്രഹിക്കണമേ എത്രയും വത്സലനും എത്രയും ഉദാരനുമായ പരിശുദ്ധാത്മാവേ! ഞങ്ങളെ അനുഗ്രഹിക്കണമേ പിതാവിന്റെ വാഗ്ദാനമെ! ഞങ്ങളെ അനുഗ്രഹിക്കേണമേ. മഹോന്നതമായ ദൈവത്തിന്റെ ദാനമേ! ഞങ്ങളെ അനുഗ്രഹിക്കണമേ. സ്വർഗ്ഗീയ പ്രകാശത്തിന്റെ കതിരേ! ഞങ്ങളെ അനുഗ്രഹിക്കണമേ. സർവ നന്മകളുടെയും കാരണ കർത്താവേ! ഞങ്ങളെ അനുഗ്രഹിക്കണമേ. ജീവനുള്ള വെള്ളത്തിന്റെ ഉറവയെ! ഞങ്ങളെ അനുഗ്രഹിക്കണമേ. ദഹിപ്പിക്കുന്ന അഗ്നിയെ! ഞങ്ങളെ അനുഗ്രഹിക്കണമേ. എരിയുന്ന സ്നേഹമേ! ഞങ്ങളെ അനുഗ്രഹിക്കണമേ. ആത്മീക ലേപനമേ! ഞങ്ങളെ അനുഗ്രഹിക്കണമേ. സത്യത്തിന്റെയും ശക്തിയുടേയും പരിശുദ്ധാത്മാവേ! ഞങ്ങളെ അനുഗ്രഹിക്കണമേ. ജ്ഞാനത്തിന്റെയും വിവേകത്തിന്റെയും പരിശുദ്ധാത്മാവേ! ഞങ്ങളെ അനുഗ്രഹിക്കണമേ. ആലോചനയുടെയും ധൈര്യത്തിന്റെയും പരിശുദ്ധാത്മാവേ! ഞങ്ങളെ അനുഗ്രഹിക്കണമേ. അറിവിന്റെയും ഭക്തിയുടെയും പരിശുദ്ധാത്മാവേ! ഞങ്ങളെ അനുഗ്രഹിക്കണമേ. ദൈവഭയത്തിന്റെ പരിശുദ്ധാത്മാവേ! ഞങ്ങളെ അനുഗ്രഹിക്കണമേ. മനസ്താപത്തിന്റെയും തപസ്സിന്റെയും പരിശുദ്ധാത്മാവേ! ഞങ്ങളെ അനുഗ്രഹിക്കണമേ. വരപ്രസാദത്തിന്റെയും ജപത്തിന്റെയും പരിശുദ്ധാത്മാവേ! ഞങ്ങളെ അനുഗ്രഹിക്കണമേ. സ്നേഹത്തിന്റെയും സമാധാനത്തിന്റെയും സന്തോഷത്തിന്റെയും പരിശുദ്ധാത്മാവേ! ഞങ്ങളെ അനുഗ്രഹിക്കണമേ. ക്ഷമയുടെയും ദീർഘ ശാന്തതയുടെയും കനിവിന്റെ യും പരിശുദ്ധാത്മാവേ! ഞങ്ങളെ അനുഗ്രഹിക്കണമേ. ദയയുടെയും സൗമ്യതയുടെയും വിശ്വസ്തതയുടെയും പരിശുദ്ധാത്മാവേ! ഞങ്ങളെ അനുഗ്രഹിക്കണമേ. വിനയത്തിന്റെയും അടക്കത്തിന്റെയും വിരക്തിയുടെയും പരിശുദ്ധാത്മാവേ! ഞങ്ങളെ അനുഗ്രഹിക്കണമേ. ദൈവപുത്രൻമാരുടെ സ്വീകരണത്തിന്റെ പരിശുദ്ധാത്മാവേ! ഞങ്ങളെ അനുഗ്രഹിക്കണമേ. ആശ്വാസപ്രദനായ പരിശുദ്ധാത്മാവേ! ഞങ്ങളെ അനുഗ്രഹിക്കണമേ. ശുദ്ധീകരിക്കുന്നവനായ പരിശുദ്ധാത്മാവേ! ഞങ്ങളെ അനുഗ്രഹിക്കണമേ. ആദ്യത്തിൽ വെള്ളത്തിന്റെമേൽ ആവസിച്ച പരിശുദ്ധാത്മാവേ! ഞങ്ങളെ അനുഗ്രഹിക്കണമേ. ദൈവത്തിന്റെ പരിശുദ്ധൻ മാർക്ക് ദിവ്യ പ്രേരണ കൊടുത്ത പരിശുദ്ധാത്മാവേ! ഞങ്ങളെ അനുഗ്രഹിക്കണമേ. പരിശുദ്ധ മറിയത്തിന്റെ മേൽ നിഴലിച്ച പരിശുദ്ധാത്മാവേ! ഞങ്ങളെ അനുഗ്രഹിക്കണമേ. ദൈവപുത്രന്റെ അത്ഭുതകരമായ ജനനത്തിൽ സഹകരിച്ച പരിശുദ്ധാത്മാവേ! ഞങ്ങളിൽ അനുഗ്രഹിക്കേണമേ. ജ്ഞാനസ്നാനത്തിൽ ഈശോമിശിഹായുടെ മേൽ എഴുന്നള്ളിവന്ന പരിശുദ്ധാത്മാവേ! ഞങ്ങളെ അനുഗ്രഹിക്കണമേ. പന്തക്കുസ്താ തിരുനാളിൽ തീനാക്കു കളുടെ രൂപത്തിൽ കർത്താവിന്റെ ശിഷ്യന്മാരുടെ മേലെ എഴുന്നള്ളി വന്ന പരിശുദ്ധാത്മാവേ! ഞങ്ങളെ അനുഗ്രഹിക്കണമേ. ഞങ്ങളെ വീണ്ടും ജനിപ്പിക്കുന്ന പരിശുദ്ധാത്മാവേ! ഞങ്ങളെ അനുഗ്രഹിക്കണമേ. വിശുദ്ധ കത്തോലിക്കാസഭയെ ഭരിക്കുന്ന പരിശുദ്ധാത്മാവേ! ഞങ്ങളെ അനുഗ്രഹിക്കണമേ. വിശുദ്ധ കത്തോലിക്കാ സഭയെ നയിക്കുന്ന പരിശുദ്ധാത്മാവേ! ഞങ്ങളെ അനുഗ്രഹിക്കണമേ. വിശുദ്ധ കത്തോലിക്കാസഭയെ പഠിപ്പിക്കുന്ന പരിശുദ്ധാത്മാവേ! ഞങ്ങളെ അനുഗ്രഹിക്കണമേ. ലോകമൊക്കെയും നിറയ്ക്കുന്നവനായ പരിശുദ്ധാത്മാവേ! ഞങ്ങളെ അനുഗ്രഹിക്കണമേ. പരിശുദ്ധാത്മാവായ ദൈവമേ! ഭൂമുഖത്തെ പുതുക്കണമെന്ന്, അങ്ങയോട് ഞങ്ങൾ അപേക്ഷിക്കുന്നു. പരിശുദ്ധാത്മാവായ ദൈവമേ! ഞങ്ങളുടെ ഹൃദയങ്ങളിൽ അങ്ങയുടെ പ്രകാശത്തെ പ്രസരിപ്പിക്കണമെന്ന്, അങ്ങയോട് ഞങ്ങൾ അപേക്ഷിക്കുന്നു. പരിശുദ്ധാത്മാവായ ദൈവമേ! ഞങ്ങളുടെ ഹൃദയങ്ങളിൽ അങ്ങേ പ്രമാണങ്ങളെ എഴുതണ മെന്ന്, അങ്ങയോട് ഞങ്ങൾ അപേക്ഷിക്കുന്നു. പരിശുദ്ധാത്മാവായ ദൈവമേ! അങ്ങയുടെ സ്നേഹാഗ്നിയാൽ ഞങ്ങളുടെ ഹൃദയങ്ങളെ എരിയിക്കണമെന്ന്, അങ്ങയോടു ഞങ്ങൾ അപേക്ഷിക്കുന്നു. പരിശുദ്ധാത്മാവായ ദൈവമേ! വരപ്രസാദത്തിന്റെ നിക്ഷേപങ്ങളെ ഞങ്ങൾക്ക് തുറന്നു തരണമെന്ന്, അങ്ങയോട് ഞങ്ങൾ അപേക്ഷിക്കുന്നു. പരിശുദ്ധാത്മാവായ ദൈവമേ! അങ്ങയെ തിരുമനസ്സിൽ പ്രകാരം അവയെ ചോദിപ്പാൻ ഞങ്ങളെ പഠിപ്പിക്കണമെ ന്ന്, അങ്ങയോടു ഞങ്ങൾ അപേക്ഷിക്കുന്നു. പരിശുദ്ധാത്മാവായ ദൈവമേ! സ്വർഗീയ തോന്നിപ്പുകളാൽ ഞങ്ങളെ പ്രകാശിപ്പിക്ക ണമെന്ന്, അങ്ങയോട് ഞങ്ങൾ അപേക്ഷിക്കുന്നു. പരിശുദ്ധാത്മാവായ ദൈവമേ! ശക്തിയുള്ള ആകർഷണങ്ങളാൽ ഞങ്ങളെ അങ്ങയോട് അടുപ്പിക്കണമെന്ന്, അങ്ങയോടു ഞങ്ങൾ അപേക്ഷിക്കുന്നു. പരിശുദ്ധാത്മാവായ ദൈവമേ! ആവശ്യമുള്ള അറിവ് ഞങ്ങൾക്ക് തരണമെന്ന്, അങ്ങയോട് ഞങ്ങൾ യാചിക്കുന്നു. പരിശുദ്ധാത്മാവായ ദൈവമേ! ഞങ്ങൾ തമ്മിൽ തമ്മിൽ സ്നേഹിക്കാനും ക്ഷമിക്കുവാനും ഞങ്ങളെ സഹായിക്കണമെന്ന്, അങ്ങയോട് ഞങ്ങൾ അപേക്ഷിക്കുന്നു. പരിശുദ്ധാത്മാവായ ദൈവമേ! അങ്ങയുടെ പ്രമാണങ്ങളുടെ വഴിയിൽ ഞങ്ങളെ നടത്തണമെന്ന്, അങ്ങയോട് ഞങ്ങൾ അപേക്ഷിക്കുന്നു. പരിശുദ്ധാത്മാവായ ദൈവമേ! പ്രാർത്ഥിക്കുവാൻ ഞങ്ങളെ പഠിപ്പിക്കണമെന്ന്, അങ്ങയോട് ഞങ്ങൾ അപേക്ഷിക്കുന്നു. പരിശുദ്ധാത്മാവായ ദൈവമേ! ഞങ്ങൾക്ക് സഹോദരസ്നേഹവും അനുകമ്പയും തരണമെ ന്ന്, അങ്ങയോട് ഞങ്ങൾ അപേക്ഷിക്കുന്നു. പരിശുദ്ധാത്മാവായ ദൈവമേ! ഞങ്ങൾക്ക് പാപത്തിന് മേൽ ഭയം തരണമെന്ന്, അങ്ങയോട് ഞങ്ങൾ യാചിക്കുന്നു. പരിശുദ്ധാത്മാവായ ദൈവമേ! പുണ്യഭ്യാസ ത്തിൽ ഞങ്ങളെ നടത്തണമെന്ന്, അങ്ങയോട് ഞങ്ങൾ യാചിക്കുന്നു. പരിശുദ്ധാത്മാവായ ദൈവമേ! എല്ലാ പുണ്യങ്ങളുടെയും വരപ്രസാദം ഞങ്ങൾക്ക് തരണമെന്ന്, അങ്ങയോട് ഞങ്ങൾ അപേക്ഷിക്കുന്നു. പരിശുദ്ധാത്മാവായ ദൈവമേ! നീതിയിൽ ഞങ്ങളെ നിലനിർത്തണമെന്ന്, അങ്ങയോട് ഞങ്ങൾ അപേക്ഷിക്കുന്നു. പരിശുദ്ധാത്മാവായ ദൈവമേ! അങ്ങ് ഞങ്ങളുടെ നിത്യ സമാധാനം ആകണമെന്ന്, അങ്ങയോട് ഞങ്ങൾ അപേക്ഷിക്കുന്നു. ഭൂലോക ദോഷങ്ങളെ നീക്കി കളയുന്ന ദൈവത്തിന്റെ കുഞ്ഞാടേ! ഞങ്ങളുടെ പാപങ്ങൾ പൊറുക്കേണമേ. ഭൂലോക ദോഷങ്ങളെ നീക്കി കളയുന്ന ദൈവത്തിന്റെ കുഞ്ഞാടേ! ഞങ്ങളുടെ പ്രാർത്ഥന കേൾക്കേണമേ. ഭൂലോക ദോഷങ്ങളെ നീക്കികളയുന്ന ദൈവത്തിന്റെ കുഞ്ഞാടേ! ഞങ്ങളെ അനുഗ്രഹിക്കണമേ. ദൈവമേ! ഞങ്ങളിൽ ശുദ്ധഹൃദയത്തെ സൃഷ്ടിക്കണമേ. ഞങ്ങളിൽ നേരായ ആത്മാവിനെ പുതപ്പിക്കണമേ. പ്രാർത്ഥിക്കാം. കൃപയുള്ള പിതാവേ, അങ്ങേ സ്വർഗ്ഗീയ മഞ്ഞോട്കൂടി ഞങ്ങളിൽ പ്രവേശിച്ചു സത്കൃത്യ ങ്ങളിൽ ഞങ്ങളെ സുഭിക്ഷമുള്ളവരാക്കത്തക്കവണ്ണം ഞങ്ങളുടെ ഹൃദയങ്ങളെ പ്രകാശിപ്പിച്ച്‌ ശുദ്ധമാക്കാൻ അനുഗ്രഹം ചെയ്യണമേ. ഇവയൊക്കെ യും ഞങ്ങളുടെ കർത്താവ് ഈശോമിശിഹായുടെ തിരുമുഖത്തെകുറിച്ച് ഞങ്ങൾക്ക് തന്നരുളേണമേ. ആമേൻ. പരിശുദ്ധാത്മാവേ, നീയെഴുന്നള്ളി വരിക, നിന്റെ വിശ്വാസികളുടെ ഹൃദയങ്ങളെ നീ നിറയ്ക്കുക. നിന്റെ സ്നേഹത്തിന്റെ അഗ്നിയെ അവരിൽ കത്തിക്കുക. സർവേശ്വരാ! നിന്റെ അരൂപിയെ നീ അയക്കുക. അപ്പോൾ സകലതും സൃഷ്ടിക്ക പ്പെടും. അപ്പോൾ ഭൂമിയുടെ മുഖത്തെ നീ പുതുതാക്കും. പ്രാർത്ഥിക്കാം. പരിശുദ്ധാത്മാവിന്റെ വെളിവാൽ വിശ്വാസി കളുടെ ഹൃദയങ്ങളെ പഠിപ്പിച്ച സർവേശ്വരാ! ഈ അരൂപിയുടെ സഹായ ത്താൽ സത്യമായവയെ മനസ്സിലാക്കുവാനും അങ്ങയുടെ ആശ്വാസ ത്താൽ എപ്പോഴും ആനന്ദിക്കുവാനും ഞങ്ങൾക്ക് കൃപ ചെയ്യണമെന്ന് ഞങ്ങളുടെ കർത്താവ് ഈശോമിശിഹായുടെ യോഗ്യതകളെക്കുറിച്ച് അങ്ങയോടു ഞങ്ങൾ പ്രാർത്ഥിക്കുന്നു. ആമേൻ.